x

Маклеморыг Эд Шираны аялан тоглолтоос хассаныг уран бүтээлчид эсэргүүцэв

/Anadolu/ Эд Шираны тоглолтын үеэр тайзнаа гарах байсан уран бүтээлчид цаашид аялан тоглолтод оролцохоос татгалзаж, репп дуучин Маклеморыг дэмжиж буйгаа илэрхийлжээ.

Маклемор есдүгээр сарын эхээр Нью-Жерси муж улсад болсон тоглолтын үеэр Палестиныг дэмжиж буйгаа илэрхийлсний дараа тоглолтуудыг нь цуцалсан бол тэрбумтан Роберт Крафт өөрийн эзэмшдэг цэнгэлдэх хүрээлэнд түүнийг тоглуулахгүй байхыг шаарджээ. Харин Эд Ширан Маклемортой хамтран ажиллахаас татгалзсан шийдвэрийг өөрөө гаргаагүй, аялан тоглолтын зохион байгуулагчид гаргасан гэж мэдэгдсэн байна.

Аялан тоглолтын тайзнаа гарах ёстой байсан Ирландын дуучин Аарон Роу, Данийн “Lukas Graham” хамтлаг Эд Шираны тоглолтод цаашид оролцохоос татгалзжээ. Мөн Ширантай тоглолтын дундуур хэд хэдэн дуу хамтран дуулдаг Ирландын “Beoga” хамтлаг, түүнчлэн Билли Айлишийн ах бөгөөд түүнтэй тогтмол хамтран ажилладаг дуучин, хөгжмийн зохиолч Финнеас аялан тоглолтыг орхисон байна.

“Уран бүтээлчид дарлагдсан хүмүүсийг өмгөөлөн дуугарч байхад нь дуугүй байхыг тэднээс шаардаж болохгүй” гэж Финнеас хэлжээ. Тэрбээр аялан тоглолтын Өмнөд Америк дахь хэсэгт оролцохоор төлөвлөж байсан байна.

Аарон Роу болон “Beoga” хамтлаг аялан тоглолтыг орхих шийдвэрээ тайлбарлахдаа Ирландын түүхийг дурджээ. “Ирландчууд бид колоничлол гэж юу болохыг мэддэг. "Палестины төлөөх Ирландын уран бүтээлчид" хөдөлгөөнийг үүсгэн байгуулагчдын нэгийн хувьд бид шударга ёсны төлөөх тэмцэлдээ үнэнч хэвээр байх бөгөөд идэвхтэй байр сууриа үргэлжлүүлнэ” гэж “Beoga” хамтлагийнхан мэдэгдсэн байна.

Харин Роу Эд Шираныг өөрийн найз бөгөөд түүний амьдралыг өөрчилсөн гэдгийг дурдаад “Гэхдээ ирландчууд бид геноцид, зориудаар бий болгосон өлсгөлөн, харгис эзлэн түрэмгийлэл гэж юу болохыг дэндүү сайн мэднэ” гэж хэлсэн байна. "Тэрбумтнууд өөрсдийн байр суурь, нөлөөг ашиглан бусдын дуу хоолойг хаахыг оролдож байхад бид зүгээр сууж чадахгүй" хэмээн тэрбээр хэлжээ. 

“Lukas Graham” хамтлагийнхан Шираны аялан тоглолтыг орхих шийдвэр гаргах амаргүй байснаа онцолжээ. "Мөнгө гэдэг яриа хэлэлцээний явцыг тодорхойлох эрхгүй. Ямар нэгэн банкны дансны хуулга хэн үг хэлэх эрхтэйг, мөн хэний зовлон шаналалыг хүлээн зөвшөөрөхийг тодорхойлох ёсгүй" гэж тус хамтлаг мэдэгдсэн байна. 

Есдүгээр сарын 4-нд Нью-Жерси муж улсад болсон аялан тоглолтын эхний тоглолтын үеэр тайзнаа гарсан Америкийн реп дуучин Маклемор 2024 онд гаргасан “Hind's Hall” дуугаа дуулахын өмнө “Палестинд эрх чөлөө олго” хэмээн хашхирчээ. Энэхүү дууг Газад Израилын цэргийнхний гарт амиа алдсан таван настай охин Хиндийн дурсгалд зориулан гаргасан бөгөөд Колумбын их сургуульд Израилыг эсэргүүцэн жагсаал хийж буй оюутнуудыг дэмжсэн утгатай аж. 

Маргааш нь болсон хоёр дахь тоглолтын үеэр Маклемор еврейчүүдэд хандаж, “Еврей ахан дүүс, эгч дүүсээ Израилыг шүүмжлэх, арьсны өнгөөр ялгаварлан гадуурхахыг шүүмжлэх, геноцидтой санал нийлэхгүй байх нь та бүхнийг өөрсдийг чинь ямар нэгэн байдлаар шүүмжилж байгаа хэрэг биш” гэж хэлсэн байна.

Түүний эдгээр үйлдэл нь Израилыг дэмжигч бүлгүүдийн шүүмжлэлд өртөж, аялан тоглолтын дараагийн тоглолтуудад түүнийг оролцуулахгүй байхыг шаардсан өргөдөл гаргажээ.

Есдүгээр сарын 14-нд Маклемор “Instagram” хуудсандаа бичихдээ, долоо хоногийн өмнө тэрбумтан Роберт Крафт Эд Ширан руу утасдсан тухай түүнд хэлсэн гэжээ. Крафт өөрийг нь тоглолтын хөтөлбөрөөс хасахыг шаардсан бөгөөд бусад цэнгэлдэхийн эздийг мөн энэхүү шаардлагад нэгдэхийг уриалсан гэж Маклемор бичсэн байна.

Крафт албан ёсны мэдэгдэлдээ цэнгэлдэх хүрээлэнгээ үзэн ядалтыг өдөөх үйл ажиллагааны талбар болгохгүйн тулд бүхнийг хийж байгаа гэж онцолжээ. 

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iШинэ мэдээ
Ерөнхийлөгч У.Хүрэлсүх энхийг сахиулагчдыг төрийн одон, медалиар шагналаа 10 цаг 56 мин Хуситууд Йемений түр нийслэл Аден хот руу давшиж эхэлжээ 11 цаг 2 мин Оюутны гольфийн ДАШТ-д М. Буян-Эрдэнэ амжилттай оролцлоо 11 цаг 7 мин Монголын мөсөн сийлбэрчид Мадридын тэмцээнд түрүүллээ 11 цаг 13 мин Төв цэнгэлдэх хүрээлэнд “Өвлийн идэш” өргөтгөсөн худалдааг зохион байгуулна 11 цаг 31 мин З.Мэндсайхан: Тэтгэвэр, цалингийн нэмэгдлээр дамжуулан ажлын байрыг хадгалж, нэмэгдүүлэхэд чиглэнэ 11 цаг 37 мин Цаг агаарын аюултай үзэгдлээс сэрэмжлүүлж байна 17 цаг 30 мин Хууль зөрчиж хэрэг буцаасаар байгаа Дээд шүүхийг “байцаах” хүсэлтийг УИХ-ын 70 гишүүн гаргалаа 17 цаг 35 мин Ерөнхий сайд Н.Учрал: Нөөцийн мах бэлтгэн нийлүүлэх тогтолцоог үндсээр нь шинэчилж байна 18 цаг 29 мин Аймгийн заан Ц.Гонгорын нэрэмжит УАШТ-д Р.Омар түрүүллээ 18 цаг 34 мин Энэ 7 хоногт Монгол Улсад 18 цаг 38 мин Ван Гогийн зургийг дуудлага худалдаанаас татахыг шаарджээ 18 цаг 44 мин Монголын театрууд 48 орны 188 байгууллагатай хамтран ажиллах боломж нээгдлээ 18 цаг 48 мин 1926-1930 онд Герман улсад суралцсан монгол залуучуудын боловсрол эзэмшсэн түүхэн нөхцөл байдал 19 цаг 4 мин “Герман, Франц улсад суралцсан анхны эмэгтэйчүүд” үзэсгэлэнг нээнэ 19 цаг 12 мин Гавьяат тамирчин Э.Цэндбаатар 16 дараалан яллаа 19 цаг 15 мин НӨАТ-ын урамшууллын сугалааны тохирол энэ лхагва гаригт болно 19 цаг 22 мин АИ-95 бензин дээр оочергүй байгаа нь ард түмэн мөнгөгүй байна гэсэн үг 19 цаг 27 мин Улаанбаатарт өдөртөө 4 хэм хүйтэн 2026-11-14 Э.Өлзийбаяр: Намын дотоод сонгуулийг МАН-тай нийлж луйвардсан О.Цогтгэрэл АН-ын дарга байх эрхгүй 2026-11-14
iИх уншсан
С.Бямбадорж: Төрийн тамганы хөшөөг нурааж, АН тугаа тайрч ог... Ж.Шагжийн нэрэмжит олон улсын эрдэм шинжилгээний хурал болно... УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... НҮБ-ын Ерөнхий Ассамблейн 81 дүгээр чуулганы Дөрөвдүгээр хор... Монголын музейн үзмэрүүд олон улсын үзэсгэлэнд тавигдлаа Аймгийн заан Ц.Гонгорын нэрэмжит УАШТ-д Р.Омар түрүүллээ Шинжлэх ухааны академид “Чингис хаан” тэргүүн зэргийн одон г... Мотоцикл, мопедын хөдөлгөөнийг төв суурин газарт түр хугацаа... Цагаачд иргэдийн шинэ цуваа АНУ-ын хилийг чиглэв Элсэн манханыг тогтворжуулах, элсний нүүдлийг зогсоохоор ажи... УИХ-ын чуулганаар 2027 оны төсвийг эцэслэн баталлаа Дундаж давхаргын эсрэг хийж буй Монгол төрийн ужиг дайн Улаанбаатарт өдөртөө 4 хэм хүйтэн “Герман, Франц улсад суралцсан анхны эмэгтэйчүүд” үзэсгэлэнг... Хуулийн төслүүдийн хэлэлцэх эсэх хэлэлцүүлгийг явууллаа Баруун болон төвийн аймгуудын ихэнх нутгаар цасан шуурга шуу... “Ерөнхийлөгчтэй, дээр нь эрх барьж байвал нам хагардаг” гэсэ... 1926-1930 онд Герман улсад суралцсан монгол залуучуудын боло...
Top