Монгол Улсын Засгийн газраас баталсан 2026 оны нэгдсэн төлөвлөгөөнд 9376 иргэн, аж ахуй нэгж, байгууллагын объектод хяналт шалгалт хийхээр байсныг Засгийн газрын өнөөдрийн хуралдаанаар цуцаллаа.
Засгийн газрын хэрэгжүүлж буй “Чөлөөлье” санаачилга эдийн засгийн сорилттой энэ цаг үед хянан шалгах гэхээс илүү эдийн засгаа идэвхжүүлэх зорилготой гэдгийг Ерөнхий сайд онцлоод зарим барилгад сард 16 удаа шалгалт очсон байна. Шалгалтынх нь 50 хувь нь торгож байгааг шүүмжлээд төрөөс үзүүлэх хүндрэл, чирэгдлээс чөлөөлж, бизнес эрхлэх үйл ажиллагаанд дэмжлэг үзүүлж ажиллах ёстой. Харин хүний эрүүл мэнд, аюулгүй байдлыг хангах үүргээ хэрэгжүүлнэ гэв.
Салбарын хяналт шалгалтын 31 чиглэлийг 11 яам, гурван агентлаг, орон нутгийн захиргааны байгууллага хариуцан хэрэгжүүлж, улсын хэмжээнд 1713 улсын байцаагч ажиллаж байна.
Салбарын хяналтын хүрээнд 112 хууль, 3600 гаруй дүрэм, журам, 4500 гаруй стандартын хэрэгжилтэд хяналт тавьж ажиллаж байна. Мөн 2024-2025 онд хийсэн шалгалтаас харвал нэг байгууллагад жилд 30 гаруй удаа очиж шалгажээ.
