Товчхондоо ийм л юм болж байна, сайд Б.Чойжилсүрэнгийн яаманд. 

Гэмтэл гарсан ТЭЦ-4 нь 2028 оноос хойш нийслэлийн дулааны хэрэглээний 55 хувь, цахилгааны хэрэглээний 60 хувийг хангадаг. Нэг зууханд нь гэмтэл гарснаар нийт улс орон даяараа цахилгаан, дулааны хязгаарлалтад өртөж муугаа үзэж байна.

Эрчим хүчний сайдын өчигдөр мэдээлснээр өнгөрсөн гурав хоногт нийт 371,174 айл өрх, 46,691 ААН цахилгааны хязгаарлалтад оржээ. Нийслийн гэр хороололд хамгийн их буюу 200 мянган айл өрх амьдардаг гэж тооцвол нийслэл хот бүхэлдээ цахилгааны хязгаарлалтад өртсөн байна. 

Гол буруутан болоод байгаа нэг зуухны ТЭЗҮ-ийг хийсэн өртөг 2019 онд 75 сая ам.доллар байсан бол 2024 онд хийсэн ТЭЗҮ-ээр 90 сая ам.доллар болж өсчээ. Энэ нь өнөөдрийн ханшаар 360 тэрбум орчим төгрөг. Гэтэл Н.Тавинбэх нарын авилгын мөнгө эхний байдлаар 400 тэрбумаар тоологдож байна. 

Дөрвөн жил тасралтгүй сайд хийчихээд салбарын мэргэжилтнүүдийнхээ үгийг сонсож, эх үүсвэрийн хүчин чадлыг нэмэх санхүүжилтыг суулгаж чадахгүй байгаа Б.Чойжилсүрэн сайдад эрүүл ухаан байна уу?

2016 онд айл өрхийн цахилгааны төлбөрийн тариф нэг кВт цаг нь 122 төгрөг байсан, өнөөдөр 280 төгрөг болж нэмэгдсэн. Зөвхөн цахилгааны хэрэглээнд төсвөөс олгож буй татаас жилдээ 250 гаруй тэрбум төгрөг. Дээр нь иргэдийн цахилгааны төлбөрийг нэмэхээр 550 тэрбум болж байна...

Эх сурвалж: Өдрийн сонин