Монгол Улсын Засгийн газрын 2025 онд хэрэгжүүлэх төлөвлөгөөний дагуу нийт 8702 иргэнд 961.6 га газар өмчлүүлэхээр тусгагджээ. Энэхүү газар өмчлөлийг Монгол Улсын иргэнд газар өмчлүүлэх тухай хууль, холбогдох дүрэм журмын хүрээнд аймаг, нийслэлийн газар зохион байгуулалтын төлөвлөгөөтэй уялдуулан хэрэгжүүлэх юм.
Хувийн хэрэгцээний зориулалтаар газар өмчлөх эрх нь иргэдэд нэг удаа үнэ төлбөргүйгээр олгогддог бөгөөд энэхүү эрхийг хэрэгжүүлэх хүрээнд тухайн иргэн оршин суугаа газрынхаа харьяа газрын алба болон цахимаар хүсэлтээ гаргаж, холбогдох материал бүрдүүлэн, газрын байршил, зориулалт, хэмжээ зэргийг харгалзан шийдвэрлүүлдэг.
2025 онд өмчлүүлэхээр төлөвлөж буй 961.6 га газрын ихэнх хувийг гэр бүлийн хэрэгцээний зориулалттай орон сууцны хашааны газар эзэлж байгаа бол зарим хэсэгт нь хөдөө аж ахуйн зориулалттай газар, үйлдвэр, үйлчилгээний газар, амралт, аялал жуулчлалын бүс зэрэг байршлууд ч хамрагдаж болох төлөвтэй байна.
Засгийн газар газар өмчлөх процессыг илүү ил тод, шуурхай, цахим хэлбэрт шилжүүлэх, газар зохион байгуулалтын маргаан, давхардлыг бууруулах, тэгш хүртээмжийг хангах зорилготойгоор “Газрын биржийн цахим систем”-ийг үе шаттайгаар сайжруулж байгааг холбогдох албаны эх сурвалжууд мэдээлжээ.
Газар өмчлөл бол иргэдийн эдийн засгийн баталгаа, өмчийн эрхийг баталгаажуулах үндсэн чухал суурь эрхийн нэг бөгөөд зөв зохион байгуулалт, нээлттэй үйл явц нь нийгмийн итгэлцэл, хувийн өмчийн хамгаалалтад эерэг нөлөө үзүүлдэг.
Эх сурвалж: Газар зохион байгуулалт, геодези, зураг зүйн газар.
