Прокурорын байгууллага 2025 оны зургадугаар сарын 16-наас 20-ны өдрийг дуусталх таван хоногийн хугацаанд хэрэг бүртгэлт, мөрдөн байцаалтын нийт тавин дөрвөн мянга зургаан зуун далан хоёр эрүүгийн хэрэгт хяналт тавин ажиллажээ. Энэ хугацаанд нэг мянга хоёр зуун дөчин найм гэмт хэргийн шинжтэй гомдол, мэдээлэл бүртгэгдсэн бол долоон зуун наян тав хэрэг шинээр нээж, гурван зуун дөч хэрэгт прокурор яллах дүгнэлт үйлдэн шүүхэд шилжүүлсэн байна.

Яллах дүгнэлт үйлдсэн 340 хэргийн ангиллаар нь авч үзвэл:

• Эрүүл мэндийн халдашгүй байдлын эсрэг — 153 хэрэг

• Өмчлөх эрхийн эсрэг — 86

• Хөдөлгөөний аюулгүй байдал, тээврийн хэрэгслийн ашиглалтын журмын эсрэг — 66

• Хүний бэлгийн эрх чөлөө, халдашгүй байдлын эсрэг — 10

• Эдийн засгийн — 6

• Хүрээлэн байгаа орчны эсрэг — 5

• Авлигын — 5

• Хүний амьд явах эрхийн эсрэг — 4

• Олон нийтийн аюулгүй байдал, ашиг сонирхлын эсрэг — 3

• Соёлын өв болон цахим мэдээллийн аюулгүй байдлын эсрэг — тус бүр 1 хэрэг байжээ.

Шүүхэд шилжүүлсэн онцлох хэргүүдээс дурдвал:

• Р.Н гэх этгээд компанийн нягтлан бодогч байхдаа албан тушаалаа ашиглан 576.1 сая төгрөг завшсан хэрэг.

• Д.О гэх газрын албаны ажилтан бусдаас хахууль авч газар олгосон хэрэг.

• Б.Ж гэх иргэн эрх мэдлээ урвуулан ашиглаж, мөнгө нэхэж авсан, хувийн мэдээллээр сүрдүүлсэн хэрэг.

• Ш.Т гэх этгээд АНУ-аас мансууруулах бодис бүхий бүтээгдэхүүн захиалан авч, шуудангаар хүлээн авсан хэрэг.

• Б.Э гэх этгээд гадаадын жуулчин эмэгтэйг хүчирхийлсэн хэрэг.

• БНХАУ-ын хөрөнгө оруулалттай “С” компани химийн аюултай бодисуудыг хууль бусаар хадгалсан хэрэг зэрэг багтжээ.

Прокурорын байгууллага дээрх хяналтуудыг хуульд заасан бүрэн эрхийн хүрээнд хэрэгжүүлж, гэмт хэргийг шүүхэд хүлээлгэн өгөх ажиллагааг шат дараатай гүйцэтгэж байна.

Эх сурвалж: Улсын Ерөнхий Прокурорын газар