Авлигатай тэмцэх газрын Мөрдөн шалгах хэлтсээс 2025 оны зургаадугаар сарын 9-15-ны өдрүүдэд гэмт хэргийн шинжтэй 112 гомдол, мэдээллийг хүлээн авч шалгажээ. Үүнээс:

• 15 гомдол, мэдээлэлд хэрэг бүртгэлтийн хэрэг нээх саналтай,

• 12 гомдол, мэдээлэлд хэрэг бүртгэлтийн хэрэг нээхээс татгалзах,

• 1 гомдол, мэдээллийг харьяаллын дагуу шилжүүлэх саналтайгаар тус тус прокурорт хүргүүлсэн байна.

• Үлдсэн 84 гомдол, мэдээлэл одоогоор шалгагдаж байна.

Түүнчлэн өнгөрсөн долоо хоногт эрүүгийн 894 хэрэгт мөрдөн байцаалтын ажиллагаа явуулснаас:

• 13 хэргийг шүүхэд шилжүүлэх,

• 11 хэргийг хэрэгсэхгүй болгох саналтайгаар прокурорт шилжүүлжээ.

• Үлдсэн 870 хэрэг мөрдөн шалгах шатанд үргэлжилж байгаа юм.

Мөн тухайн гэмт хэргийн шалтгаан, нөхцөлийг арилгуулахаар 9 удаагийн мэдэгдлийг холбогдох байгууллагуудад хүргүүлсэн байна. Энэ нь урьдчилан сэргийлэх, системийн засварыг шаардах арга хэмжээний нэг хэлбэр юм.

Авлигын эсрэг хуулийн хэрэгжилт, сахилгын зөрчил, төрийн албаны хариуцлагын асуудлаар АТГ-аас тогтмол шалгалт, хяналтыг үргэлжлүүлэн хийж байгааг дээрх тоон үзүүлэлтүүд харуулж байна.

Эх сурвалж: Авлигатай тэмцэх газар.