Өнөөдөр УИХ-ын чуулганы нэгдсэн хуралдаан Төрийн ордонд үргэлжилнэ. Үүний зэрэгцээ нийгэм, эрдэм шинжилгээ, соёл урлагийн олон үйл ажиллагаа нийслэл болон орон нутагт зохион байгуулагдаж байна.

Өглөөний 9:00 цагт “Хүүхдийн хөдөлмөрт хяналтын тогтолцоог бэхжүүлэх нь” зөвлөлдөх уулзалт “Улаанбаатар галерей”-д болно. Мөн энэ цагт “Эрчим хүчний шилжилт, технологи ба экологи” олон улсын эрдэм шинжилгээний хурал ШУТИС-ийн 8-р байрны хурлын танхимд эхэлнэ. Холбогдох мэдээллийг 99092150 дугаараас авах боломжтой.

9:10 цагт Монгол Улс дахь АНУ-ын Элчин сайдын яам, Монгол Улсын Засгийн газрын хамтарсан “Англи хэлний төгөлдөршил төв”-ийн нээлт МУИС-ийн номын санд болно.

9:30 цагт ОБЕГ-ын дэргэдэх Шуурхай удирдлага, зарлан мэдээллийн төв-119 дүгээр ангийн шинэ барилга албан ёсоор ашиглалтад орж, нээлтийн ёслол болно. Утас: 99815918. Мөн энэ цагт Төрийн цахим үйлчилгээний хүртээмжийг нэмэгдүүлэх, олон нийтийн цахим ур чадварыг дэмжих зорилготой “Demosc” төслийн үр дүн, шийдлийн хэлэлцүүлэг Чингис хаан Үндэсний музейд эхэлнэ. Холбогдох утас: 99096434, 94999598.

10:00 цагт МҮХАҮТ-аас зохион байгуулж буй “Chamber day” арга хэмжээ болно. Утас: 99077127.

Өнөөдөр Азийн бүсийн “Аспак-2025” олон улсын чуулга уулзалт Улаанбаатар хотод эхэлж байна. Мөн Улаанбаатар биенналь урлагийн наадам энэ сарын 20-ныг дуустал үргэлжилнэ.

Орон нутагт Архангай аймгийн музейд “Байгалийг ойроос” нэртэй түр үзэсгэлэн энэ оны долдугаар сарын 28-ныг хүртэл үргэлжилж байна.

Хилийн чанадад Английн Лондон хотод шатрын багийн түргэн болон түргэвчилсэн тоглолтын ДАШТ энэ сарын 16-ныг хүртэл үргэлжилнэ. Харин Чех улсын Үндэсний музейд “Чингис хаан” олон улсын үзэсгэлэн зургадугаар сарын 22-ныг дуустал үргэлжилж байна.