Улаанбаатар дулааны сүлжээ ТӨХК нь 2025 оны зуны улиралд шугам тоног төхөөрөмжийн засвар шинэчлэлийн ажил хийх төлөвлөгөөний дагуу халуун ус түр хязгаарлах хуваарийг танилцуулж байна. Засварын ажил тавдугаар сарын 15-наас наймдугаар сарын 20 хүртэл үргэлжлэх бөгөөд 2025 оны зургаадугаар сарын 10-ны Мягмар гарагаас дараах байршлуудад 12 хоногийн хугацаатай халуун ус хязгаарлаж засвар хийнэ.

Хязгаарлалт үргэлжлэх хугацаа:
2025.06.10 – 2025.06.22

Халуун ус түр тасрах байршлууд:

• БӨҮР, “Говь-2” ХК орчмын хэрэглэгчид

• Вива сити, Шинэ яармаг хорооллууд

• Хан-Уул дүүргийн нэгдсэн эмнэлэг, Нийслэлийн шинэ төв Хангарьд орчмын хэрэглэгчид

• Ирээдүй хороолол, БҮК орчмын хэрэглэгчид

• Төв цэнгэлдэх хүрээлэн, Хүннү, Рапид хороолол

• 120 мянгат, Туулын хөвөө, Зайсан орчмын орон сууцны хорооллууд

• Арьс ширний үйлдвэрийн район, 19-р хороолол орчмын хэрэглэгчид

• “Говь” ХК, “Натур агро” ХХК

• Вокзал орчмын хэрэглэгчид, 2-р хороолол, УДДТ-79, УДДТ-81-ээс хангагддаг хэрэглэгчид

Иргэд, оршин суугчид халуун ус хязгаарлагдах хугацаанд хэрэглээгээ зохицуулж, болзошгүй хүндрэлээс урьдчилан сэргийлэхийг анхааруулж байна.

Эх сурвалж: Улаанбаатар дулааны сүлжээ ТӨХК