Дүүргийн Эрүү, Иргэний хэргийн хялбар ажиллагааны анхан шатны тойргийн шүүхээс иргэн Д.Мөнх-Эрдэнэ, Ж.Энхжаргалан нарт цахим орчинд хэрүүл маргаан үүсгэсэн, олон нийтийг үл хүндэтгэсэн, мөн бие биедээ хохирол учруулахгүйгээр халдсан үйлдэл гаргасан гэж үзэн тус бүрийг есөн хоногийн хугацаагаар баривчлах шийдвэр гаргажээ. Мөн тэднийг 10 цагийн албадан сургалтад хамруулах шийтгэл оноосон байна.

Шүүхийн тогтоолд дурдсанаар, 2025 оны дөрөвдүгээр сарын 29-ний өдөр Хан-Уул дүүргийн 15 дугаар хорооны нутагт орших Төв цэнгэлдэх хүрээлэнгийн дотор болон цахим орчинд тэдний хооронд “хэрүүл маргаан” болсон бөгөөд энэ нь Зөрчлийн тухай хуулийн тусгай ангийн 5.2 дугаар зүйлийн 1.1, 1.4, мөн 5.3 дугаар зүйлийн 1 дэх хэсгийн заалтыг зөрчсөн гэж үзжээ.

Уг заалтуудад:

• Олон нийтийн газар хэрүүл маргаан үүсгэх, бусдыг өдөөн хатгах, нийтээр хүлээн зөвшөөрөгдсөн хэм хэмжээг зөрчих

• Хүний биед хохирол учруулахгүйгээр халдах үйлдэл зөрчилд тооцогдохоор хуульчилсан байдаг.

Хэргийг 2025 оны зургадугаар сарын 5-ны өдөр шүүх хянан хэлэлцсэн бөгөөд Зөрчлийн тухай хуулийн ерөнхий ангийн 3.1 дүгээр зүйлийн 4 дэх хэсэгт заасныг үндэслэн шийтгэл оноожээ.

Эх сурвалж: Шүүхийн албан мэдэгдэл