Өчигдөр буюу 2025 оны тавдугаар сарын хорин есний өдөр Сүхбаатар дүүргийн нутаг дэвсгэрт байрлах Соёлын төв өргөөний баруун талын зам дээр “Лексус” маркын автомашин урсгал сөрөн хөдөлгөөнд оролцож буй бичлэг цахим орчинд нийтлэгдсэн. Тус үйлдэл нь олон нийтийн анхаарлыг татаж, замын хөдөлгөөний аюулгүй байдалд сөргөөр нөлөөлсөн тул Тээврийн цагдаагийн албанаас шуурхай шалгажээ.

Цагдаагийн байгууллагаас Зөрчлийн тухай хуулийн 14.7.30 дахь хэсэгт заасны дагуу тухайн зөрчлийг үйлдсэн жолоочид 50 нэгж буюу тавин мянган төгрөгийн торгууль оногдуулж, гурван сарын хугацаанд жолоо барих эрхийг хасах шийтгэл ногдуулсан байна.

Тээврийн цагдаагийн албанаас иргэдэд хандан замын хөдөлгөөнд оролцохдоо бусдад хүндэтгэлтэй хандаж, дүрмээ баримтлах нь өөрийн болон бусдын амь нас, аюулгүй байдлыг хамгаалах чухал нөхцөл болохыг анхаарууллаа.

Эх сурвалж: Тээврийн цагдаагийн алба