Засгийн газрын ээлжит хуралдаанаар Ахмад настны тухай хууль болон Алдар цолтон ахмад настанд төрөөс олгох хөнгөлөлтийн тухай хуульд нийцүүлэн сувиллын хөнгөлөлтийн жишиг үнийг шинэчлэн баталлаа.

Шинэчлэгдсэн тогтоолоор:

• Энгийн ахмад настанд магадлан итгэмжлэгдсэн сувилалд сувилуулах үед жишиг үнийн 50 хувь буюу 416,000 төгрөг,

• Хүндэт донор ахмад настанд жишиг үнийн 100 хувь буюу 832,000 төгрөг,

• Алдар цолтон ахмад настанд дотоодын рашаан сувилалд сувилуулахад 832,000 төгрөгийн хөнгөлөлт
  нийгмийн халамжийн сангаас олгохоор тогтоосон байна.

Энэ өөрчлөлт нь ахмад настнуудын эрүүл мэндээ хамгаалж, бие махбодоо нөхөн сэргээх нөхцөлийг сайжруулах, тэдний амралт сувиллын үйлчилгээнд хамрагдах чадварыг нэмэгдүүлэхэд бодит дэмжлэг үзүүлэх юм.

Эх сурвалж: Засгийн газрын хэвлэл мэдээлэл, олон нийттэй харилцах газар