Сүхбаатар аймгийн Түвшинширээ сумын нутагт байрлах нэгэн монгол гэрт 2025 оны тавдугаар сарын 19-ний шөнө хулгай орж, бурхан шашны эд зүйлс алдагдсан тухай мэдээлэл дараагийн өдөр буюу тавдугаар сарын 20-нд цагдаагийн байгууллагад бүртгэгджээ.

Мэдээллийн дагуу хийсэн шалгалтын хүрээнд 42 настай, эрэгтэй “Д” нэртэй этгээд тухайн гэрийн цоожийг эвдэн орж, дараах эд зүйлсийг хулгайлсан болох нь тогтоогдсон байна. Үүнд:

• Алтан гэрэл судар – 1 ширхэг

• Дашзэвэг судар – 1 ширхэг

• 2–3 см хэмжээтэй зурмал Бурхан багш – 1 ширхэг

• 10–15 см хэмжээтэй зурмал Жамсран бурхан – 1 ширхэг

• 2–3 см хэмжээтэй зурмал Лам бурхан – 1 ширхэг

• Нэр нь тодорхойгүй судар – 4 ширхэг

Шашны утга соёлын үнэ цэн бүхий эд зүйлс алдагдсан энэ хэргийг Сүхбаатар аймгийн цагдаагийн газарт үргэлжлүүлэн шалгаж байгаа юм.

Хэргийг Монгол Улсын Эрүүгийн хуулийн 17.1 дүгээр зүйл буюу Хулгайлах гэмт хэрэгт хамааруулан мөрдөн шалгаж байгаа бөгөөд,

• 17.1.2.1 заалтаар хүний байнга амьдрах орон байранд нэвтэрсэн,

• 17.1.2.2 заалтаар түүх, соёлын ач холбогдол бүхий эд зүйл хулгайлсан нөхцөлд 2–8 жилийн хорих ялтай юм.

Цаашид мөрдөн байцаалтын явцад уг хэргийг зохион байгуулалттай, эсвэл байнга үйлддэг этгээд гэдгийг тогтоовол 5–12 жилийн хорих ял оноох үндэслэл ч бий.

Эх сурвалж: Сүхбаатар аймгийн цагдаагийн газар, Монгол Улсын Эрүүгийн хууль