Авлигатай тэмцэх газрын Мөрдөн шалгах хэлтэс 2025 оны тавдугаар сарын 19-25-ны хооронд гэмт хэргийн шинжтэй 101 гомдол, мэдээлэл хүлээн авч шалгажээ. Эдгээрийн дотор 22 гомдол, мэдээлэлд хэрэг бүртгэлтийн хэрэг нээж, 16-д нь хэрэг нээхээс татгалзах саналтайгаар шийдвэрлэсэн байна. Мөн 2 гомдол, мэдээллийг харьяаллын дагуу шилжүүлэх саналтайгаар прокурорт хүргүүлжээ. Одоогоор 61 гомдол, мэдээллийг үргэлжлүүлэн шалгаж байгаа аж.

Түүнчлэн нийт 907 эрүүгийн хэрэгт мөрдөн байцаалтын ажиллагаа явуулсан бөгөөд тайлагнасан долоо хоногт 11 хэргийг шүүхэд шилжүүлж, 14 хэргийг хаасан байна. Мөн 2 хэргийг харьяаллын дагуу шилжүүлэх саналтайгаар прокурорт хүргүүлж, 3 хэргийг нэгтгэн шалгаж буйг дурджээ. Үүнээс үзэхэд одоогоор нийт 877 хэрэг мөрдөн шалгах шатанд явж байна.

Авлига, албан тушаалын гэмт хэргийн нөхцөл шалтгааныг арилгуулах зорилгоор мөрдөгчийн мэдэгдлийг холбогдох байгууллагад хүргүүлсэн бөгөөд нэг хэрэгт холбогдуулан найман объектод нэгжлэгийн ажиллагаа хийсэн байна.

Эх сурвалж: Авлигатай тэмцэх газар