Монгол Улсад гадаадын өндөр, дээд хэмжээний зочид, төлөөлөгчид албан ёсны айлчлал хийж байгаатай холбоотойгоор тавдугаар сарын 25-28-ны өдрүүдэд Улаанбаатар хотын Хан-Уул, Сүхбаатар, Чингэлтэй, Баянзүрх дүүргүүдийн зарим гудамж замын хөдөлгөөнийг түр хугацаанд хязгаарлаж, хамгаалалт, зохицуулалт хийхээр болсныг албаныхан мэдэгдлээ.

Хязгаарлалт хийгдэх гудамжууд:

• Их Монголын гудамж

• Олимпийн гудамж

• Энхтайваны өргөн чөлөө

• Наадамчдын гудамж

• Чингисийн өргөн чөлөө

• Гэндэнгийн гудамж зэрэг

Энэ хугацаанд хөдөлгөөний аюулгүй байдлыг хангах, зочдын айлчлалыг эмх цэгцтэй зохион байгуулах үүднээс иргэдийг цагдаагийн алба хаагчийн хууль ёсны шаардлагыг биелүүлэх, замын хөдөлгөөнд соёлтой, хүлээцтэй оролцохыг Тээврийн цагдаагийн албанаас уриалж байна.

Эх сурвалж: Тээврийн цагдаагийн алба