Дорнод аймгийн шүтээн болсон түүхэн хүндэтгэлт газар болох Хан уулын тахилга энэ сарын 29-ний өдөр зохион байгуулагдана. Энэхүү тахилга нь Хэрлэн голын урд орших тал нутгийн томоохон уул Хан ууланд жил бүрийн заншлаар өргөгдөж ирсэн бөгөөд Халхын Махасамади цэцэн хан Шолойн үеэс уламжлалтай гэгддэг.

Тахилгын зан үйл өглөөний 07:00 цагт эхлэх бөгөөд:

• Очирваань бурхны тахилга,

• Далха есөн тэнгэрийн тахилга,

• Хан уулын эзэн сахиусны тахилга,

• Намдаг их сан зэрэг зан үйлийг лам хуврагууд унших юм.

Тахилгын өдөр уламжлал ёсоор аймгийн алдар цолтой хүчит бөхчүүдийн барилдаан, мөн төвийн бүсийн хурдан морины уралдаан зохион байгуулагдахаар төлөвлөгдсөн байна.

Мөн энэ үеэр иргэдэд “Батцагаан” суваргад сүүний дээж, идээ будаагаа өргөхгүй байх талаар анхааруулга өгсөн бөгөөд байгаль орчныг хайрлан, тахилгын зан үйлийг зохих журмын дагуу хийхийг уриалжээ.

Эх сурвалж: Дорнод аймгийн ЗДТГ