Чингэлтэй дүүргийн 13, 15, 16 дугаар хорооны нутаг дэвсгэрт байрлах Чингэлтэйн өргөн чөлөөнөөс Хайлаастын эцэс хүртэлх 4 км урт авто замыг гурван хэсэгт хуваан хэсэгчлэн хааж, шинэчлэхээр боллоо.
Засвар, шинэчлэлийн ажил 2025 оны тавдугаар сарын 22-ны 23:00 цагаас эхэлж, 26-ны 06:00 цаг хүртэл үргэлжлэх бөгөөд энэ хугацаанд авто замын зорчих хэсгийг үе шаттайгаар хааж, өнгө асфальт бетон хучилт хийх, замын тэмдэг тэмдэглэгээг шинэчлэх зэрэг ажлыг гүйцэтгэх юм.
Иймд иргэд, жолооч нар дээрх хугацаанд тухайн чиглэлээр зорчихдоо өөр маршрутыг сонгон хөдөлгөөнд оролцохыг Нийслэлийн Замын хөгжлийн газраас анхааруулж байна.
Эх сурвалж: Нийслэлийн Замын хөгжлийн газар
