Жил тутмын The Fashion Awards ёслолын хүрээнд Британийн загварын зөвлөл (BFC) дизайнер Миучча Прадад онцгой ололтын төлөө шагнал гардуулна. “Цаг үеэ ойлгох мэдрэмж, өөрийнх нь дизайн, урлаг, уран барилга мэтийн янз бүрийн чиглэлийг холих авъяас нь эхнээсээ энэ эмэгтэйг загварын аж үйлдвэрийн анхдагч нарын нэг болгосон юм” хэмээн дизайнерийг шагнах болсон гол шалтгаанаа BFC-ийн тэргүүн Стефани Фейр тайлбарлав.

Өмнө нь онцгой ололтын шагналыг Карл Лагерфельд, Донателла Версаче, Ральф Лорен нарт гардуулсан байв. Шагнал гардуулах ёслол Лондон хотноо арванхоёрдугаар сарын 10-нд болно. Эхлээд шагналд нэр дэвшигчдийн жагсаал гарахад түүнд Ким Жонс, Рикардо Тиши, Виржил Абло, Жонатон Андерсон нарын нэрс байлаа.

М.Цогт