Төрийн байгууллага, хэлэлцүүлэг:

• Засгийн газрын ээлжит хуралдаан Төрийн ордонд хуралдана.

• 09:00 цагаас “Нийтийн эрх ашиг: аюулгүй байдал ба иргэний нийгэм” хэлэлцүүлэг Галлериа Улаанбаатар төвд болно. (Утас: 99835595)

Мэдээллийн цаг – Үндэсний мэдээллийн төвд:

• 11:00 цагаас: Гавьяат эдийн засагч Б.Осоргарав тэргүүтэй хүмүүс хамтарсан Засгийн газрыг огцруулахыг дэмжихгүй талаар мэдээлнэ.

• 11:30 цагаас: “Баялагтай эзэн Монгол” ТББ-аас Оюутолгой болон орон нутагт 4 эгнээ зам барих шаардлагыг УИХ-д уламжлах талаар мэдээлнэ.

• 12:00 цагаас: GUYS хамтлагийн “Сургууль минь баяртай” тоглолтын талаар хэвлэлийн хурал King ballroom-д болно. (Утас: 88677069)

Соёл, урлаг:

• 16:00 цагаас: Зураач Ц.Бямбажавын “Уулсын чуулган” бие даасан үзэсгэлэн Монголын уран зургийн галерейд нээгдэнэ.

• “Боловсролын өдөрлөг 2025” Сүхбаатарын талбайд үргэлжилж байна.

• “Амьд ертөнцийн спектр” үзэсгэлэн Чингис хаан Үндэсний музейд зургадугаар сарын 1-нийг хүртэл үргэлжилнэ.

• “Модлог гарден экспо” үзэсгэлэн Яармаг дахь IC Park-т зургадугаар сарын турш үргэлжилнэ.

Орон нутагт:

• Завхан аймаг, Улиастайд “Аялал жуулчлалын хөгжилд нутгийн иргэдийн оролцоо” зөвлөгөөн болно.

• Улиастайд “Спортын их наадам-2025”-ын хоёрдугаар шатны тэмцээн тавдугаар сарын 19-22-нд үргэлжилнэ.

• Архангай аймгийн музейд “Байгалийг ойроос” үзэсгэлэн долдугаар сарын 28-ныг хүртэл гарч байна.

Гадаад дахь үзэсгэлэн, оролцоо:

• Японы Осака хотын “Дэлхийн экспо-2025” үзэсгэлэнд Монгол Улсаас 10 гаруй компани оролцож байна.

• Чехийн Үндэсний музейд “Чингис хаан” олон улсын үзэсгэлэн зургадугаар сарын 22-ныг хүртэл үргэлжилж байна.