Хүүхдийн тав тух, аюулгүй байдлыг хангах зорилгоор “Зулзагын гол” хүүхдийн зуслангийн тохижилтыг жил бүр үе шаттай хийж байгаа бөгөөд сүүлийн жилүүдэд амралтын байрнуудад засвар хийж, бүжгийн талбай, задгай театр, сагсан бөмбөгийн талбай зэргийг шинээр байгуулсан байна.
Энэ жил зуслангийн 60 жилийн өмнөөс ашиглагдаж ирсэн гал тогооны байрыг иж бүрэн шинэчилж, засварлах ажил хийгдэж байгаа бөгөөд одоогоор 80 хувийн гүйцэтгэлтэй үргэлжилж байна. Үүнээс гадна хүүхдийн аюулгүй байдлыг хангах үүднээс стандартын шаардлага хангасан аянга зайлуулагчийг зуслангийн бүсэд шинээр байрлуулах ажил эхлээд байгаа аж.
Эдгээр ажлууд нь хүүхдүүдийг эрүүл, аюулгүй, тохилог орчинд амраах нөхцөлийг бүрдүүлж, зуслангийн үйлчилгээний чанар, хүртээмжийг дээшлүүлэхэд чиглэж байна.
