“Замын-Үүд” чөлөөт бүсийн захирагч асан А.Энхзулыг Авлигатай тэмцэх газраас шалгаж эхэлсэн гэх мэдээлэл гараад буй. Албаны эх сурвалж уг мэдээллийг нотолсон байна. А.Энхзулыг чөлөөт бүсийн захирагчаар ажиллаж байхдаа хууль зөрчиж газар олгож, эрх мэдэл, албан тушаалаа урвуулан ашигласан, бусдад давуу байдал олгосон, хахууль авсан байж болзошгүй" гэх үндэслэлээр шалгаж байгаа гэв. 

А.Энхзул нь "Замын-Үүд” чөлөөт бүсийн захирагчаар 2021-2022 онд ажилласан бөгөөд энэ хугацаанд 16 аж ахуйн нэгж, компанид газар олгосон байна. 

Тухайлбал, 

Ди Эйч Эл глобал форвардинг монгол-50000м2

Пологоулд-12000м2

Марта мед чөлөөт бүс-10000м2

Бат хангайн зүүн сүлжээ-10000м2

Арвин ачит-10000м2 газар олгосон байна. 

Одоогоос гурван жил өмнө буюу 2022 оны зургадугаар сард АТГ-т нэр бүхий иргэнээс ирүүлсэн "А.Энхзул үндэслэлгүй хөрөнгөжсөн байж болзошгүй" гэх гомдлыг шалгаад хэргийг хаасан байна.