Монголын сэтгүүлчдийн нэгдсэн эвлэл (МСНЭ)-ийн Ерөнхий нарийн бичгийн дарга Ууганбаяр хэвлэл мэдээллийн эрх чөлөөний тухай хуулийн хэлэлцүүлэгт сэтгүүлчдийн дуу хоолой тусгалаа олохгүй байгааг мэдэгдэв. Тэрбээр Хууль зүй, дотоод хэргийн яамны ажлын хэсэгт МСНЭ-ийн төлөөлөл оролцсон ч мэргэжлийн редакцуудаас ирүүлсэн саналууд бүрэн тусгагдаагүй гэж тэмдэглэжээ.
МСНЭ УИХ-ын Байнгын хорооны хэлэлцүүлэгт ч уригдаагүйг хариуцлагагүй хандлага хэмээн үзэж, мэдэгдэл гаргахаар зэхэж байна. Тус байгууллага нь 6000 гаруй сэтгүүлчийн эрх ашгийг төлөөлдөг мэргэжлийн байгууллага тул тэдний саналыг үл тоомсорлож байгаа нь “утгагүй явдал” хэмээн шүүмжилжээ.
МСНЭ-ийн байр суурь:
-
Хуулийн 5 дугаар зүйлд “ёс зүйг хуульчилсан” нь сэтгүүлчийн мэргэжлийн зарчимд харш;
-
Ашгийн төлөө байдал шаардсан 9 дүгээр зүйлийн агуулгыг эсэргүүцэж байгаа;
-
Хэвлэлийн эрх чөлөө бол зөвхөн сэтгүүлчийн бус, 3.5 сая иргэний мэдэх эрх;
-
Хуулийг дагалдах ёстой бусад хууль, тухайлбал 17:08 зэрэг хуулийн зохицуулалт орж ирээгүй.
Түүнчлэн мэдээллийн эх сурвалж нууцлах эрх, сэтгүүлчийн үүрэг, хариуцлагыг ялгах зохицуулалт дутуу байгааг онцлов. МСНЭ шаардлагатай заалтууд тусгагдахгүй бол хуулийг бойкотлохоос аргагүй гэсэн мэдэгдэл гаргахаар болжээ.
Маргааш УИХ дээр хуулийн хэлэлцэх эсэхийг шийдвэрлэх санал хураалт болох бөгөөд МСНЭ хуулийн агуулгад өөрчлөлт оруулахгүй бол эсэргүүцлээ илэрхийлэхээ мэдэгдсэн байна.
