Авлигатай тэмцэх газрын Мөрдөн шалгах хэлтэс 2025 оны дөрөвдүгээр сарын 7-13-ны хооронд ирсэн гэмт хэргийн шинжтэй 91 гомдол, мэдээллийг шалгасан талаар тус газраас мэдээлэв.

Шалгасан гомдол, мэдээллээс:

• 7-д нь хэрэг бүртгэлтийн хэрэг нээх саналтай

• 7-д нь хэрэг бүртгэлтийн хэрэг нээхээс татгалзах саналтай

• 4-ийг нь харьяаллын дагуу шилжүүлэх саналтайгаар прокурорт шилжүүлжээ

• Үлдсэн 73-г хянан шалгаж байна.

Мөн эрүүгийн 875 хэрэгт мөрдөн байцаалтын ажиллагаа явуулж буй бөгөөд өнгөрсөн долоо хоногт:

• 13 хэргийг шүүхэд шилжүүлэх

• 11 хэргийг хаах саналтайгаар прокурорт шилжүүлсэн байна.

• 2 хэргийг нэгтгэн шалгаж байгаа аж.

Ийнхүү одоогийн байдлаар 849 эрүүгийн хэрэг мөрдөн шалгагдаж байгаа бөгөөд гэмт хэргийн шалтгаан, нөхцөлийг арилгуулах зорилгоор 4 мэдэгдлийг холбогдох байгууллагад хүргүүлжээ.

Эх сурвалж: АТГ