Нийслэлийн нийтийн эзэмшлийн талбайг хашаалсан автомашины зогсоолыг чөлөөлөх, зөвшөөрөлгүй ТҮЦ, гараашийг буулгах ажлыг эрчимжүүлэх үүргийг Улаанбаатар хотын захирагч өглөө. Энэ талаар нийслэлийн удирдах ажилтнуудын шуурхай зөвлөгөөний үеэр хэлэлцэж, холбогдох байгууллагуудад үүрэг чиглэл өгсөн байна.

Мөн хөрөнгө оруулалтын хэрэгжилт, санхүүжилтийн үйл ажиллагааг хуулийн хүрээнд ил тод зохион байгуулж, үе шат бүрт хяналт тавих, үйлдвэрлэл, технологийн паркийн үйл ажиллагаанд хяналт тавих, дэмжлэг үзүүлэхтэй холбоотой журмын төслүүдийг боловсруулан яамдад хүргүүлэхийг даалгажээ.

Нийслэлд хөрөнгө оруулах газруудыг чөлөөлөхийн зэрэгцээ соёлын үйлчилгээний хүртээмжийг нэмэгдүүлэх, соёлын өвийг хамгаалах, түүх соёлын үл хөдлөх дурсгалт зүйлсийг хамгаалах ажлыг эрчимжүүлж, ой, хээрийн түймэр, ахуйн гал түймрээс урьдчилан сэргийлэх ажлыг зохион байгуулахыг ч мөн үүрэг болгосон байна.

Эх сурвалж: НЗДТГ-ын Хэвлэл мэдээлэл, олон нийттэй харилцах хэлтэс.