Улаанбаатар хотын Захирагчийн ажлын албанаас 2025 онд нийт зургаан удаагийн бүх нийтийн их цэвэрлэгээ зохион байгуулахаар төлөвлөсөн бөгөөд ээлжит их цэвэрлэгээ гуравдугаар сарын 22-ноос дөрөвдүгээр сарын 12-ныг хүртэл гурван үе шаттайгаар үргэлжилж байна.
Өнгөрсөн амралтын өдрүүдэд зохион байгуулагдсан их цэвэрлэгээнд:
-
Есөн дүүргийн нутаг дэвсгэрт үйл ажиллагаа явуулж буй төрийн 37 байгууллага,
-
Ерөнхий боловсролын 16 сургууль, 37 цэцэрлэг,
-
Сууц өмчлөгчдийн 64 холбоо
орчны 50 метрт хамарсан цэвэрлэгээнд нэгдэн оролцсон байна.
Мөн нийслэлийн хэмжээнд ажилладаг хог хаягдал болон зам талбайн цэвэрлэгээний 40 байгууллага бүрэн бүрэлдэхүүнээрээ ажиллаж, хөшөө дурсгалт газар, хайс хашлага, хогийн сав, сандал, автобусны зогсоолуудыг угааж, ариутгажээ.
Цэвэрлэгээний хүрээнд нийт 2.1 сая м² талбайд ажиллаж, 800 тонн хог хаягдлыг түүж цэвэрлэн төвлөрсөн хогийн цэгт хүргэсэн байна.
Эх сурвалж: Улаанбаатар хотын Захирагчийн ажлын алба.
