Гадаадын иргэн, харьяатын газар 2025 оны хоёрдугаар сард нийт 81 аж ахуйн нэгж, байгууллага, 1786 гадаадын иргэнийг хамруулсан төлөвлөгөөт гурав, төлөвлөгөөт бус 22 удаагийн шалгалт зохион байгуулжээ.
Шалгалтын үр дүнд 396 гадаадын иргэн, 128 уригч иргэн, аж ахуйн нэгж, байгууллагад Зөрчлийн тухай хуулийн дагуу арга хэмжээ авч, 10 улсын 22 иргэнийг албадан гаргасан байна.
Мөн дараах үндэслэлээр 108 иргэнийг хилээр оруулалгүй буцаажээ:
- Ирсэн зорилгоо тодорхойлох боломжгүй байх,
- Зорчих зорилгод нийцээгүй визтэй байх,
- Улсад байх, буцах санхүүгийн баталгаагүй байх,
- Визийн хүчинтэй хугацаа дууссан байх.
Зөрчил гаргасан иргэдийн харьяалал
- БНХАУ – 195
- БНСВУ – 51
- БНФУ (Филиппин) – 22
- ОХУ – 14
- Бусад улс – 114
Нийтлэг зөрчил
- Оршин суух үнэмлэх эзэмших, ашиглах, хадгалах журам зөрчих,
- Эрх бүхий байгууллагын зөвшөөрөлгүй хөдөлмөр эрхлэх,
- Ирсэн зорилгоосоо өөр үйл ажиллагаа явуулах,
- Визийн хугацаа хэтрүүлэх.
Албаныхны мэдээлснээр, дээрх зөрчлүүд нь гадаадын иргэдийн дийлэнх зөрчилд тооцогдож буй аж.
