Прокурорын байгууллага 2025 оны гуравдугаар сарын 10-14-ний өдрүүдэд хэрэг бүртгэлтийн 50,153, мөрдөн байцаалтын 2,892 хэрэгт хяналт тавьж, эрүүгийн 253 хэрэгт яллах дүгнэлт үйлдэн шүүхэд шилжүүлжээ.
Яллах дүгнэлт үйлдсэн хэргүүд
- Эрүүл мэндийн халдашгүй байдлын эсрэг – 115
- Өмчлөх эрхийн эсрэг – 63
- Хөдөлгөөний аюулгүй байдал, тээврийн хэрэгслийн ашиглалтын журмын эсрэг – 51
- Авлига, албан тушаалын хэрэг – 6
- Хүний бэлгийн эрх чөлөө, халдашгүй байдлын эсрэг болон хүний амьд явах эрхийн эсрэг – тус бүр 5
- Хүрээлэн буй орчны эсрэг – 4
- Мансууруулах эм, сэтгэцэд нөлөөт бодисыг хууль бусаар ашиглах – 3
- Улсын хилээр бараа хууль бусаар нэвтрүүлэх – 1
Шүүхэд шилжүүлсэн онцлох хэргүүд
- Улсын бүртгэгч Д.Б – Хахууль авсан, хахууль өгсөн (Эрүүгийн хуулийн 22.4 болон 22.5 дугаар зүйл)
- ЭХЭМҮТ-ийн албан тушаалтан Г.О – Худалдан авах ажиллагааны гэрчилгээг хуурамчаар гаргуулсан, хахууль өгсөн (Эрүүгийн хуулийн 22.5 дугаар зүйл)
- Сонгинохайрхан дүүргийн сургуулийн албан тушаалтан И.М – Цалин, сургалтын төлбөрийн мөнгийг хувьдаа завшсан (Эрүүгийн хуулийн 22.1 дүгээр зүйл)
- Иргэн Ц.У – Шүүгч, шүүгчийн туслахад хахууль өгөхийг санал болгосон (Эрүүгийн хуулийн 22.5 дугаар зүйл)
Дээрх хэргүүдийг холбогдох дүүргүүдийн эрүүгийн хэргийн анхан шатны шүүхэд шилжүүлсэн гэж Улсын Ерөнхий Прокурорын газрын Хэвлэл мэдээлэл, Олон нийттэй харилцах алба мэдээллээ.
Эх сурвалж: Улсын Ерөнхий Прокурорын газар
