Өнөөдрийн байдлаар улсын хэмжээнд 3 аймаг зам тээврийн улсын хяналтын байцаагчгүй байгаа бөгөөд энэ нь дараах шалтгаантай холбоотой гэж үзэж байна:
- Хяналтын байцаагчид хууль ёсны шаардлага тавьсны улмаас дарамт шахалтад өртөх
- Зөрчилтэй иргэдийн эсэргүүцэл, бухимдал, хэл амаар доромжлох байдал ихсэх
- Ажил үүргээ гүйцэтгэхэд хүндрэл учирч, ажлын орчин тааламжгүй болох
Булган аймгийн авто тээврийн хяналтын байцаагч Авирмэд:
"Хууль ёсны шаардлага тавьж, зөрчлийг арилгах талаар зөвлөн туслах ажлыг бид хийдэг. Гэвч иргэд шаардлага тавихад бухимдаж, доромжлох тохиолдол их гардаг" гэж онцолжээ.
Хяналт шалгалтын хэрэгжилтийг сайжруулах арга хэмжээ
ЗТЯ-ны салбарын хяналтын газрын дарга Энхболд:
"Орон нутагтай хамтарч ажиллаж, хүний нөөцийн бодлогыг сайжруулах, мэргэжлийн сургалтад анхаарах шаардлагатай байна. Улсын байцаагчдын ур чадвар, хууль эрх зүйн мэдлэгийг нэмэгдүүлэх сургалтуудыг зохион байгуулна" гэж мэдэгдсэн байна.
Цаашид авч хэрэгжүүлэх гол арга хэмжээнүүд:
- Орон нутгийн зам, тээврийн хяналтын хомсдлыг арилгах бодлого боловсруулах
- Улсын байцаагчдыг мэргэшүүлэх, ур чадварыг нэмэгдүүлэх сургалтууд зохион байгуулах
- Ажлын нөхцөлийг сайжруулж, нийгмийн хамгааллын асуудлыг шийдвэрлэх
- Орон нутгийн иргэдэд хууль, журмын талаарх ойлголтыг нэмэгдүүлэх, сурталчлах
Ийнхүү улсын хэмжээнд зам, тээврийн хяналтын хариуцлагыг сайжруулахын тулд хүний нөөцийг нэмэгдүүлэх, мэргэшүүлэх шаардлагатай байгааг албаныхан онцолж байна.
Эх сурвалж: Зам, тээврийн хөгжлийн яам
