Нийслэлийн ИТХ-ын 2024 оны тогтоолын дагуу орон нутгийн дугаартай тээврийн хэрэгсэл Улаанбаатар хотод 48 цагаас доош хугацаанд зорчвол 1000 төгрөг, 48 цагаас дээш хугацаанд зорчвол 5000 төгрөгийн хураамж төлөх журам есдүгээр сарын 1-нээс хэрэгжиж эхэлсэн.
Сүүлийн 6 сарын хугацаанд орон нутгийн дугаартай тээврийн хэрэгслийн Улаанбаатар хот руу орох, хотоос гарах хөдөлгөөний статистик:
| Сар | Хот руу орсон | Хотоос гарсан |
|---|---|---|
| 2024.09 | 114,612 | 57,132 |
| 2024.10 | 101,996 | 113,470 |
| 2024.11 | 121,630 | 130,870 |
| 2024.12 | 130,002 | 149,509 |
| 2025.01 | 135,640 | 144,310 |
| 2025.02 (15-ны байдлаар) | 58,993 | 71,310 |
Эдгээр тоон мэдээллээс харахад нэгдүгээр сараас эхлэн орон нутгийн дугаартай тээврийн хэрэгслийн хөдөлгөөн эрс нэмэгдэж, хот руу орсон, гарсан тээврийн хэрэгслийн тоо ойролцоо түвшинд хүрчээ.
Эх сурвалж: Нийслэлийн Замын хөдөлгөөний удирдлагын төв.
