“Монгол Улсын Засгийн газрын 2024-2028 оны үйл ажиллагааны хөтөлбөр”-т “Халамжаас хөдөлмөрт шилжих бодлоготой уялдуулан хөдөлмөр эрхлэлт, нийгмийн үйлчилгээний эрх зүйн орчныг шинэчилж, ядуурлыг бууруулах бодлого баримтална” гэж тусгасны дагуу Нийгмийн халамжийн тухай хуулийн шинэчилсэн найруулгын төсөл боловсруулжээ.
Хуулийн төслийн ажлын хэсгийг Төрийн нарийн бичгийн дарга Л.Мөнхзул ахалж, судалгааны дэд ажлын хэсэгт судлаач, багш, төрийн болон төрийн бус байгууллагын төлөөлөл оролцсон байна.
Хуулийн төслийн гол өөрчлөлтүүд
- Хүүхэд, гэр бүлд чиглэсэн үйлчилгээг нийгмийн халамжийн бодлогоос салгах
- Нийгмийн халамжийн арга хэмжээг хөдөлмөр эрхлэлтийн бодлоготой уялдуулах
- Ядуу, эмзэг бүлгийн өрх, иргэдийн амьжиргааг дэмжих бодлогыг сайжруулах
- Бэлэн мөнгөний бус үйлчилгээний тоог нэмэгдүүлэх, иргэдийн бие даан амьдрах чадварыг дэмжих
Хуулийн төслийн хэлэлцүүлэг, цаашдын төлөвлөгөө
-
2025 оны 01 дүгээр сарын 29-нд
- Хөгжлийн бэрхшээлтэй иргэдийн чиглэлээр үйл ажиллагаа явуулдаг төрийн бус байгууллагуудад танилцуулсан
- Аймаг, дүүргийн Хөдөлмөр, халамжийн үйлчилгээний хэлтсийн дарга нарт танилцуулсан
-
2025 оны 02 дугаар сарын 04-нд
- Нийгмийн хамгааллын чиглэлээр үйл ажиллагаа явуулдаг олон улсын байгууллагуудтай хэлэлцүүлэг зохион байгуулсан
Оролцогч талуудын саналыг тусган, 2025 оны хаврын чуулганд өргөн мэдүүлэхээр ажиллаж байна.
Эх сурвалж: Хөдөлмөр, нийгмийн хамгааллын яам
