Хүүхэд, залуучуудад эх оронч үзэл, үндэсний бахархал, уламжлалыг түгээн дэлгэрүүлэх зорилготой “Бид эх орны ирээдүй” хөтөлбөрийн хүрээнд өнөөдөр буюу хоёрдугаар сарын 20-ны өдөр Нийслэлийн 34 дүгээр сургууль, Зэвсэгт хүчний 150 дугаар ангид сурагчдын уулзалт, сургалт зохион байгууллаа.
Сурагчид батлан хамгаалах салбар, Зэвсэгт хүчний үйл ажиллагаа, цэргийн алба хаах хэлбэрүүд, энхийг сахиулах ажиллагаан дахь Монгол цэргийн оролцоо зэрэг сэдвийн хүрээнд мэдээлэл авч, харилцан ярилцлага өрнүүлэн, хөгжөөнт тэмцээнүүдэд оролцжээ. Мөн Зэвсэгт хүчний 150 дугаар ангийн бие бүрэлдэхүүн гардан тулааны үзүүлэх тоглолт хийж сонирхуулсан байна.
Цаашид энэ төрлийн сургалт, уулзалтыг ерөнхий боловсролын сургуулиудад шат дараатай зохион байгуулах бөгөөд Батлан хамгаалах салбараас 2025 оныг “Эх оронч Монгол-Их сэргэлтийн жил” болгон зарласантай уялдуулан хэрэгжүүлэх аж.
Хөтөлбөрийг:
- Нийслэлийн Засаг даргын Тамгын газрын Цэргийн штаб
- Боловсролын Ерөнхий газар
- Зэвсэгт хүчний анги, байгууллагууд
- Монгол цэргийн музей
- Цэргийн дуу бүжгийн эрдмийн чуулга хамтран зохион байгуулж байна.
Эх сурвалж: НЗДТГ, ХМОНХХ
