Өнөөдөр Монгол Улсын төрийн тэргүүн У.Хүрэлсүх анхны Ерөнхийлөгч Пунсалмаагийн Очирбат агсанд хүндэтгэл үзүүлэх төрийн ёслолын ажиллагаанд оролцож, хүндэтгэлийн үг хэллээ. Тэрээр агсан Ерөнхийлөгчийн Монгол Улсын тусгаар тогтнол, хөгжил дэвшилд оруулсан хувь нэмэр, төрийн зүтгэлтний хувиар гүйцэтгэсэн үүргийг дурсан, ард түмнийх нь түүхэнд мөнхөд үлдэх гавьяаг онцоллоо.

Тэрээр хэлэхдээ:

Эрхэм хүмүүн таны гэр бүл, хань ижил, үр хүүхэд, төрөл төрөгсөд, хайртай дотно хүмүүст тань Монгол төр, Монголын ард түмний нэрийн өмнөөс гүн эмгэнэл илэрхийлж байна. 

Монгол Улсын Ан хны Ерөнхийлөгч та Улсынхаа тэргүүн, өрх гэрийнхээ өмөг түшиг, үр хүүхдийнхээ ачлалт эцэг, халамжит хань, анд нөхдийнхөө итгэлт нөхөр, шавь нарынхаа ачит багш, ард түмнийхээ соён гэгээрүүлэгч байлаа. 

Бүх ард түмнээсээ сонгогдсон анхны ерөнхийлөгч, үндэсний аюулгүй байдлын зөвлөлийн тэргүүн, зэвсэгт хүчний ерөнхий командлагч байсан эрхэм та төрийн томилолт, түмний сонголт, тэнгэрийн цагийн тохиолоор Ардчилсан Монгол Улсын анхны хэмээх олон түүхэн үйл хэргийн эзэн байж, улс эх орноо ардчилал, зах зээлийн эдийн засгийн харилцаанд шилжүүлэх, эрхзүйт төрийг төлөвшүүлэх, амаргүй бөгөөд хариуцлагатай өөрчлөлт шинэчлэлтийн их үйл хэрэгт үнэлж баршгүй хувь нэмэр оруулсан төр нийгмийн нэрт зүтгэлтэн юм. 

Монголын Ард Түмний эрхэм хүмүүн, хүү та Мөнх Хөх Тэнгэртээ амгалан залрах болтугай. Мөнх Хөх Тэнгэр та биднийг ивээх болтугай.