Монгол Улсын анхны Ерөнхийлөгч Пунсалмаагийн Очирбат агсантай өнөөдөр Төрийн ордонд салах ёс гүйцэтгэнэ. Энэ өдөр Монгол Улсын Төрийн далбааг өглөөний 07:00 цагаас эхлэн 25-ны өдрийн 00:00 цаг хүртэл орон даяар 45 хэм бөхийлгөн, гашуудлын өдөр болгон зарлажээ.
Тээврийн зохицуулалт:
- 06:40-07:20 цагт: Улсын гуравдугаар төв эмнэлгээс Төв шуудангийн уулзвар, Төрийн ордны баруун талын замыг түр хугацаанд хаана.
- 09:40 цагт: Төрийн ордноос Сэлбэ голын гүүрийн төгсгөл, тэндээс “Алтан Өлгий” оршоох газар хүртэлх замын хөдөлгөөнийг 20 минут орчим хугацаанд хаана.
Бусад үйл явдал:
- УИХ-ын нэгдсэн чуулганы хуралдаан зохион байгуулагдана.
- Анх удаа орон сууц худалдан авсан иргэд болон их, дээд сургуульд суралцаж буй оюутнуудын сургалтын төлбөрийн хөнгөлөлтийн материалыг Татварын ерөнхий газарт хүлээн авч байна.
- Монгол хэл, бичгийн үзэсгэлэн Тайвань, БНСУ-ын Сөүл, Япон улсын Токио хотод энэ сарын 15-наас хоёрдугаар сарын 25-ныг хүртэл үргэлжилнэ.
- Сүхбаатар аймагт удирдах ажилтнуудын зөвлөгөөн болно.
