Өнгөрсөн нэгдүгээр сарын 16-нд АНУ-ын Ерөнхийлөгч асан Дональд Трамп Холливудад өөрийг нь төлөөлөх тусгай элчээр Жон Войт, Сильвестр Сталлоне, Мэл Гибсон нарыг томилжээ. Трамп энэ шийдвэрээ кино үйлдвэрлэл, телевизийн салбарыг шинэ түвшинд хүргэх эрмэлзлэлээр тайлбарласан бөгөөд эл томилгоог Truth Social сүлжээгээрээ дамжуулан зарласан байна.
“Холливудад Жон Войт, Мэл Гибсон, Сильвестр Сталлоне нарыг миний тусгай элчээр томилж байгаагаа зарлах нь нэр төрийн хэрэг. Тэд Холливудыг урьд өмнөхөөс илүү шилдэг, хүчирхэг болгоно” хэмээн Трамп бичжээ.
Эдгээр элч нарын үндсэн үүрэг нь цар тахал болон улс төрийн олон асуудлын улмаас хүндрэлд орсон Холливудын "мөрөөдлийн фабрикийг" сэргээн, дэлхийд алдартай кино аж үйлдвэрийг хөгжүүлэхэд чиглэгдэх аж. Гэвч энэ салбарт Трампыг эсэргүүцэгчид цөөнгүй байгаа бөгөөд алдарт жүжигчин Мерил Стрипийн 2017 онд хэлсэн үг үүний нэг тод жишээ болж байна.
Холливудын асуудлууд
Кино үйлдвэрлэл цар тахал болон олон жагсаал цуглааны улмаас хүндхэн нөхцөлд орсон бөгөөд 2023 онд кино зохиогчид болон жүжигчдийн 118 хоног үргэлжилсэн ажил хаялт нь салбарын уналтыг гүнзгийрүүлжээ. FilmLA-ийн тооцоогоор, кино үйлдвэрлэл сүүлийн таван жилд хамгийн доод түвшиндээ очсон байна.
Трампын томилгооны шалтгаан
Трампын сонгосон элч нар болох Жон Войт, Сильвестр Сталлоне, Мэл Гибсон нар Трампыг тууштай дэмждэгээрээ алдартай. Тэдний дундаас Сталлоне Трампыг хоёр дахь Жорж Вашингтон гэж үзэж, Гибсон түүнийг сонгуулийн кампанид дэмжиж, Харрисийг шүүмжилж байжээ. Харин Войт Трампыг Авраам Линкольноос хойших хамгийн агуу удирдагч хэмээн үнэлдэг байна.
Эх сурвалж: Iz.ru
