Шадар сайд С.Амарсайхан Онцгой байдлын ерөнхий газрын дэд дарга нарыг үүрэгт ажлаас нь чөлөөлж, шинээр томилжээ.

Өнгөрөгч баасан гаригт Онцгой байдлын ерөнхий газрын дэд дарга нар болох ОБЕГ-ын тэргүүн дэд, штабын дарга Ж.Чүлтэмсүрэн, дэд дарга, бригадын генерал Б.Ууганбаяр, дэд дарга, бригадын генерал Д.Намсрай нарыг үүрэгт ажлаас нь чөлөөлжээ. ОБЕГ-ын тэргүүн дэд дарга бөгөөд штабын даргаар дэд дарга асан, онцгой байдлын хурандаа Ц.Ганзоригийг, дэд даргаар Урьдчилан сэргийлэх газрын дарга, хурандаа Ц.Уранчимэгийг, дэд даргаар Санхүү, хангалт, хөрөнгө оруулалтын газрын дарга, хурандаа Я.Гантөмөрийг тус тус томилсон байна.

Дэд даргаар томилогдсон хурандаа Ц.Уранчимэг нь “Монголын төмөр зам” ТӨХК-ийн гүйцэтгэх захирлаар ажиллаж буй Б.Отгонсүхийн эхнэр, Я.Гантөмөр нь Ерөнхийлөгчийн зөвлөх, МУИС-ийн ректор асан Я.Төмөрбаатарын төрсөн дүү гэдгийг эх сурвалжууд тодруулжээ.

Харин онцгой байдлын хурандаа Ц.Ганзоригийг Батлан хамгаалахын сайд асан Г.Сайханбаярын зээ дүү гэдгээр  нь хүмүүс мэддэг. Шадар сайдын шинэ томилгоонд улстөрч, эрх мэдэлтнүүдийн хамаарал бүхий хүмүүс багтсан нь олон нийтийн шүүмжлэлд өртөөд байна.