Засгийн газрын бүтэц, бүрэлдэхүүний тухай хуулиар Цахим хөгжил, харилцаа холбооны яамыг Цахим хөгжил, инновац, харилцаа холбооны яам болгон зохион байгуулсан. Тус яамны сайдаар Сүхбаатар, Чингэлтэй дүүрэгт АН-аас нэр дэвшиж сонгогдсон Ц.Баатархүүг томилоод байгаа. Тэгвэл шинэ сайд өөрийн орон тооны зөвлөхөөр Баянзүрх дүүрэгт АН-аас нэр дэвшиж өвдөг шороодсон Ц.Жадамбааг томилсон байна.
Ц.Жадамба нь Н.Алтанхуягийн Засгийн газрын үед Мэдээллийн технологи, шуудан, харилцаа холбооны газрын даргаар ажилласан. Энэ хугацаандаа Л.Оюун-Эрдэнийн Засгийн газрын гол пиар болсон "И Монгол" платформыг анхлан бий болгосон юм.
Ц.Жадамбаа нь Хэнтий аймгийн Бор-Өндөр сумын 10 жилийн сургууль, “Их Засаг” ОУИС-ийг хуульч, хууль зүйн ухааны магистр, Сөүлийн "Үндэсний Их Сургууль”-ийн технологийн менежмент, Мэдээллийн технологи, бодлого төлөвлөлтийн инженерийн ангийг төгссөн. Хууль зүйн ухааны магистр, Master of Science in Engineering мэргэшилтэй.
Эрхэлж байсан ажил, албан тушаал:
- 2004 – 2006 онуудад Улс төрийн боловсролын Академийн багш, эрдэм шинжилгээний ажилтан
- 2006 – 2007 Глобал Удирдагч сангийн үүсгэн байгуулагч, захирал
- 2007 – 2008 онуудад Глобал Удирдагч Дээд сургуулийн захирал
- 2008 – 2012 онуудад Ардчилсан намын нарийн бичгийн дарга, Улс төрийн бодлогын хэлтсийн дарга
- 2012 – 2016 онуудад Мэдээллийн технологи, шуудан, харилцаа холбооны газрын дарга агентлагийн дарга
Хавсран ажилласан төрийн бус байгууллага
- 2004 – 2006 онуудад Улаанбаатар Ротари клубын гишүүн
- 2006 – 2008 онуудад Туул Ротари клубын үүсгэн байгуулагч, удирдах зөвлөлийн гишүүн
- 2006 – 2008 онуудад Монголын Их дээд сургуулиудын холбооны гүйцэтгэх захирал
- 2012 – 2015 онуудад Тайжийн хурд морин спорт уяачдын холбооны тэргүүн
- 2012 оноос Монголын Морин Спорт уяачдын холбооны удирдах зөвлөлийн гишүүн
- 2015 – 2016 онуудад Хутагтын хурд Морин спорт уяачдын холбооны тэргүүн
- 2023 оноос Монголын Паралимпын Жүдо бөхийн холбооны ерөнхийлөгч
- Ардчилсан залуучуудын холбооны дэд ерөнхийлөгч
- Ардчилсан намын Үндэсний бодлогын комиссын гишүүн
- Монголын олон улсын арбитрч
- 2018 оноос Shinsegae Med Co., Ltd компанийн гүйцэтгэх захирал
- 2018 оноос Shinsegae Med Co .,Ltd компанийн ТУЗ-ийн гишүүн
- 2022 оноос Shinsegae International группын гүйцэтгэх захирал
- 2022 оноос Shinsegae Food Co., Ltd-ийн ТУЗ-ийн гишүүн
- 2022 оноос Shinsegae International группын ТУЗ-ийн гишүүн
- 2023 оноос Ардчилсан намын Дэд дарга
- 2023 оноос Улс Төрийн зөвлөлийн гишүүнээр ажиллаж байжээ.
