Гүйлтийн спортыг хөгжүүлэх, нийслэл хотоо дэлхийн улс орнуудад сурталчлах, гүйлтээр хичээллэгч, сонирхогч иргэдийн оролцоог нэмэгдүүлэх зорилгоор жил бүр уламжлал болгон зохион байгуулагддаг "Улаанбаатар марафон" олон улсын гүйлт амжилттай зохион байгуулагдаж байна.

"Улаанбаатар марафон-2024" олон улсын гүйлтэд Баянгол дүүргийн нийт хэлтэс, алба, 34 хороод, төрийн өмчийн Ерөнхий боловсролын сургууль, цэцэрлэгүүдийн албан хаагчид, сурагчдаас бүрдсэн 1000 гаруй гүйгчид 18-аас дээш насны 5 км-ийн Эрүүл мэндийн гүйлт, 12-17 насны 5 км-ийн гүйлт, 10 км-ийн гүйлт, алсын зайн буюу 21 км, 42 км-ийн гүйлтэд тус тус оролцож, хурд хүчээ сорилоо.

Мөн тус гүйлтийн үеэр Баянгол дүүргээс хариуцсан цэгүүдэд хяналт тавьж, эрүүл мэндийн анхан шатны тусламж үйлчилгээ болон хуваарилагдсан байршил дагуу гүйлтийн тэмцээнд оролцож буй иргэд, тамирчдад ус ундаагаар үйлчиллээ.