Сонгуулийн ерөнхий хороо (СЕХ)-ноос 11:40 цагийн байдлаарх сонгогчдын ирцийн мэдээллийг өглөө. 

Улсын хэмжээнд 2,063,000 гаруй иргэн санал өгөхөөс 400,000 гаруй иргэн саналаа өгчээ. Ингэснээр сонгуулийн ирц 20 гаруй хувьтай явж байна гэв. 

СЕХ-ны дарга П.Дэлгэрнаран: 

-"2020 оны УИХ-ын сонгуультай өнөөдрийн ирцийг харьцуулахад идэвхтэй буюу өндөр байгаа юм. Одоогийн байдлаар цаг агаар тогтуун байгаа учир сонгогчид сонгуульдаа идэвхтэй оролцож байна. Ирц идэвхтэй байх тусам санал хураалтын ажил хуулиар заасан хугацаанд дуусах боломжтой. Хэсгийн хороодыг 22:00 цагт хааж, дүн мэдээллийг шууд дамжуулах ажилд орно.

Улаанбаатар хотод 513 хэсгийн хороо ажиллаж байгаа бөгөөд нэг хороонд ногдох дундаж сонгогчдын тоо 2130 орчим байна. Сонгуулийн хуулиар 3000 хүртэл сонгогч нэг хэсгийн хороонд байх ёстой ч энэ жилийн хувьд сонгогч хоёр саналын хуудас бөглөх учир цаг хугацааг хэмнэх үүднээс хэсгийн хороодын тоог нэмсэн" гэв.