1,336 нэр дэвшигчээс УИХ-ын 126 гишүүнийг сонгох сонгуулийн сурталчилгаа эхлээд хоёр хонож байна. Энэ удаагийн сурталчилгааны шинэчлэл нь гудамж талбайд зай завсаргүй нэр дэвшигчийн танилцуулгыг тавихгүй. Өөрөөр хэлбэл нэг тойрогт нэр дэвшиж байгаа хүмүүсийн зурагтай танилцуулгыг нэг самбар дээр байршуулж байгаа юм. Ингэхдээ хороонд дөрөв, аймгийн төвд тав, сумдад хоёр сурталчилгааны самбар байрших бөгөөд улсын хэмжээнд нэгдсэн самбар 1,539, зурагт самбар 738 байхаар тогтоожээ.
Харин сурталчилгааны самбарын хаана байршуулахыг нийслэл, аймаг, сумын ИТХ-аас тогтоох хуультай.
Улаанбаатар хотод буй сурталчилгааны нэгдсэн самбарт өнөөдрийн байдлаар зарим нэр дэвшигчийн мэдээлэл байршаагүй ч өмнөх сонгуулиудынх шиг жижиг, жижиг олон бус цэгцтэй байна. Гэвч сурталчилгааны самбарт байршуулсан нэр дэвшигчийн зургийг урах зэрэг үйлдэл ч гарчээ.
Уншигч та "Сонгууль 2024" хуудаснаас 13 тойрог болон улс төрийн намын жагсаалтаар нэр дэвшигчдийн мэдээллийг хамгийн цэгцтэй, ойлгомжтой байдлаар үзнэ үү. Уг хуудаснаас нэр дэвшигчийг нэр, тойрог, нам эвсэл зэрэг сонголтоор хайх боломжтой.
