"Шударга тав" нэрээр төрийн эрх мэдэлд хүрсэн Ерөнхий сайд Л.Оюун-Эрдэнэ нарыг огцруулах жагсаал бүтэн сайн өдөр буюу энэ сарын 24-нд эхэлж, гурав дахь өдрөө үргэлжилж байна. 

Иргэдийн итгэлийг алдаж, хулгайтай тэмцэж байгаа гэх боловч ямар ч үр дүнгүй, амласан амлалтаа ажил болгож чаддаггүй, иргэдэд тулгамдаад буй асуудлыг шийдвэрлэх чадамжгүй Ерөнхий сайд Л.Оюун-Эрдэнийг огцрохыг иргэд шаардаж байна. 

Тэгвэл иргэдийн төлөөлөл өнөөдөр УИХ-ын дарга Г.Занданшатар, УИХ дахь МАН-ын Бүлгийн дарга Д.Тогтохсүрэн, АН-ын Бүлгийн дарга О.Цогтгэрэл, ХҮН намын дарга Т.Доржханд нарт Засгийн газрын тэргүүн Л.Оюун-Эрдэнийг огцруулах шаардлага хүргүүлэхээр болжээ. 

Шаардлагыг бүрэн эхээр нь хүргэж байна. 

Шударга ёсыг тогтоож, ямар ч албан тушаалд очихгүй гэж амлаж байсан Л.Оюун-Эрдэнэ нарын таван залуу өдгөө нэг нь Ерөнхий сайд, нэг нь Хууль зүй дотоод хэргийн сайдаас Хотын дарга, хоёр нь Европ дахь манай Элчин сайдын яамдад элчин зөвлөх, Элчин сайдаар томилогдож, сүүлийнх нь харин ХНХ-ын сайдаар ажиллаж байхдаа нүүрсний хулгайн хэрэгт холбогдон албан тушаалаасаа чөлөөлөгдөж, хуулийн байгууллагаар шалгагдаж буй.