Нүүрсний сонсголыг арванхоёрдугаар сарын 4-8-нд зохион байгуулахаар товлосон талаар ХЗДХ-ийн сайд Б.Энхбаяр өнөөдөр мэдээллээ.

Энэ үеэр Ерөнхийлөгч асан Ц.Элбэгдоржийн хамаарал бүхий этгээд нь "Тавантолгой" ХК-тай нүүрсний гэрээ байгуулсан асуудлаар сонсголд гэрчээр дуудсан талаар онцлов. 

Мөн эхний сонсголд сонсголд  Б.Ганхуяг, Д.Дорлигжав, Р.Амаржаргал нарын 175 хүнийг гэрчээр дуудсан байна. 

Сайд Б.Энхбаяр "Монгол Улсын ерөнхийлөгчөөр ажиллаж байсан Ц.Элбэгдоржийг түүний хамаарал бүхий этгээд нь жижиг Тавантолгойтой нүүрсний гэрээ байгуулсан асуудлаар нь дуудаж байгаа. Мөн тухайн үед энэ асуудлаар олон удаагийн эрүүгийн хэрэг шалгагдаж байсны дийлэнх нь ямар учир шалтгаанаар гэдэг нь мэдэгдэхгүйгээр хаагдсан. Үүнийг тодруулахаар Ерөнхий прокуроор ажиллаж байсан хүмүүсийг дуудсан.

Монгол Улсын Ерөнхий аудитор бол бүх асуудал дээр дуудагдана. Учир нь төрийн нэрийн өмнөөс хяналт шалгалт хийж байсан юм уу, ямар дүгнэлтүүд гаргаж, юу хийж байсан юм, зөвлөмж өгч байсан уу, зэрэг олон асуудлаар дуудагдана. 

Мөн санхүүгийн хяналт шалгалт хаанаас хийгдэж байсан зэргээр нэмж нэрс ирвэл дуудна" гэлээ.