"Нүүрсний хулгай"-н хэргийг хянан шалгах Түр хорооны хурал өнөөдөр боллоо.
Хууль зүй, дотоод хэргийн сайд Б.Энхбаяр "Шинжээч чөлөөлж, дахин томилоод байх хугацаа байхгүй. Байгаа бүх боломж нөөцөөрөө чадлынхаа хэрээр ажиллаж үр дүнгээ гаргана. 2.5 сая машины бичлэг шүүж байна, хил хамгаалах байгууллага дээр устгасан байсан бүх мэдээллийг сэргээсэн. Нүүрсний зөрүү гэж яригддаг, бүртгэлгүй хил гаалиар гарсан гэгддэг асуудлыг хоёр дахь удаагийн сонсгол дээр яригдана. Шалгалтын ажил үргэлжилж байгаа" гэв.
"Нүүрсний хулгай" гэх хэргийн нотлох баримтыг шинжлэн судлах эхний сонсгол арванхоёрдугаар сарын 4-8-нд товлогдсон бөгөөд энэ удаагийн сонсголоор жижиг Тавантолгой буюу орон нутгийн өмчит "Тавантолгой" ХК-тай холбоотой асуудлыг хэлэлцэхээр тогтсон байна.
