Монгол Улсын 2024 оны төсвийн тухай хуулийн талаар мэдээлэл хийлээ. 

Энэ үеэр УИХ дахь МАН-ын бүлгийн дарга, Ажлын хэсгийн ахлагч Д.Тогтохсүрэн "УИХ дахь Ажлын хэсэг улсын төсвийн орлогыг нэмэгдүүлсэн. Нийт 590 орчим тэрбум төгрөгөөр. Нэмэгдүүлсэн орлогоороо төсвийн тэнцлээ сайжруулсан. 2 их наяд гаруй төгрөгийн төсвийн алдагдал байгаа. Үүнийг 1.5 руу оруулсан. Хоёрдугаарт, төсвийн зарлагыг 320 орчим тэрбум төгрөгөөр бууруулсан. Төсвийн ерөнхийлөн захирагч нарынхаас 1.88 хувийг жигд хасаж, 320 орчим тэрбум төгрөгөөр зарлагаа бууруулсан. Хөрөнгө оруулалтын хэмжээ бага зэрэг нэмэгдсэн. Аудитын байгууллагаар хянагдсан  байгаа.

Нэмж 110 объектын төсөвт өртгийг оруулсан. Тэтгэврийн нэмэгдлийн асуудлыг шийдсэн. 2023 оны дөрөвдүгээр сарын 1-нээс 10 хувиар нэмнэ гэж яригдаж байсан. Үүнийгээ жигдэлсэн тоогоор буюу 100 мянган төгрөгөөр нэмнэ. Тэтгэврийн нэмэгдэлд шаардлагатай 140 тэрбум төгрөгийн асуудлыг шийдвэрлэсэн. 

Мөн төсөв дагаж 21 хууль, 8 тогтоол батлагдсан.

Тухайлбал, Газрын хуулиар бүх шатны Засаг дарга олгодог байсан. Үүнийг болиулж, Засгийн газар түр хугацаанд зогсоосон. Энэ хуулийн заримыг нь дэмжиж, заримыг нь дэмжээгүй хэлбэрээр батлагдсан. Төрийн албаны хуулиас Улаанбаатар хотоос хөдөө орон нутагт очиж ажиллавал ажилласан жил нь 1.5 жилээр нэмэгддэг зохицуулалтыг онцын шаардлагагүй гэж үзэж хассан" гэв.