Нүүрсний хулгайг шалгах УИХ-ын Хянан шалгах түр хорооны хурал өнөөдөр 11.00 цагт товлогдсон ч ирц хүрээгүйн улмаас түр хойшлов.

Түр хорооны дарга,  Хууль зүйн сайд Б.Энхбаяр гишүүдийн ирц хүрээгүй явдалд нэлээд бухимдуу байлаа. УИХ нүүрсний сонсголыг ирэх сарын 4-нд хийх ёстой. Түр хорооны өнөөдрийн хурлаар ажлын даалгавар, тогтоол гаргах, дөрвөн шинжээч томилох ёстой байжээ. Мөн зарим байгууллага дээр очихоор материалаа гаргаж өгөхгүй байгаа, Нүүрсний хулгайг хянан шалгах түр хороонд орчихоод хуралдаа ирэхгүй, ирцээ бүрдүүлэхгүй байгааг зориудаар саад хийж байна гэж үзнэ. Хянан шалгах түр хорооны гишүүд хуралдаа суухгүй байгаагаас нүүрсний хулгайн сонсгол хугацаандаа явахгүй байх эрсдэл үүсч байна гэдгийг ирсэн гишүүдэд дуулгасан байна.

Өнөөдрийн хуралд Б.Жаргалмаа, М.Оюунчимэг гишүүн ирсэн, Э.Бат-Амгалан, Г.Ганболд, С.Ганбаатар, О.Цогтгэрэл нар хуралдаа ирээгүй байна. Энэ тухай гишүүн Б.Энхбаяр:

-"Т.Доржханд гишүүн ирж хуралдаа суумаар байна, нүүрсний хулгайтай тэмц, тэмц гээд худлаа үнэн тоо яриад яваад байдаг. Яг шалгах гэхээр хуралдаа ирдэггүй. Сөрөг хүчний гишүүдээс нэг нь ч алга. Хуралдаа ирэхгүй байгаа гишүүдээ сольж өгөх саналыг намын бүлгийн болон УИХ-ын даргад тавина.

Худалдан авахтай холбоотой 2000 тендер шалгах гээд байдаг. Зургаан шинжээчийн бүрэлдэхүүнтэйгээр шалгахад дор хаяж зургаан сарын хугацаа шаардагддаг ажил. Хянан шалгах хорооны түр хорооны хурлыг гишүүдийг иртэл хойшлуулъя" гэснээр хурлыг хойшлуулжээ.