Ардчилдсан намын 4/11 мэдээллийн цагаар 2024 оны төсөв болон “Өрийн дарамтгүй Монгол” хэлэлцүүлгийн үр дүнгийн талаар мэдээлэл өглөө.
Энэ үеэр АН-ын дэд дарга Ч.Өнөрбаяр сэтгүүлчдийн асуултад хариулав.
Тэрээр "Ардчилсан нам эрх барих үедээ орлого олсон бол шууд зарцуулдаггүй “Ирээдүй өв” санд хийдэг байсан. Энийг хэлчихэе! Мөн эрх баригч нар Эрүүгийн хуулиас өөр хууль мэдэхээ болиод удаж байна.
Монгол Улсад Үндсэн хууль, Хөрөнгө оруулалтын хууль, Төсвийн тухай хууль, Хөгжлийн бодлогын хууль зэргийг эрх баригч нар мэдэхгүй байна. Эрүүгийн хуулийг чангатгаж, шүүмжилсэн хүмүүсийг айлгадаг, хорьдог.
Сүүлдээ бүр аргаа барахдаа иргэдийг согтуугаар тээврийн хэрэгсэл жолоодвол шууд шийтгэдэг больё гэж байна. Хорьж цагдсанаар асуудал шийдэгдэхгүй. Харин иргэнээ боддог улсад гэмт хэргээс урьдчилан сэргийлэхэд л мөнгөө зарцуулдаг.
Монгол Улсад зам тээврийн ослоор жилдээ 500-аас дээш хүн нас барсан гэх тоо байдаг. Гэхдээ энэ нь дан согтуу жолооч нарын буруу биш. Эрх баригч нар замаа буруу тавьсан зэрэг олон хүчин зүйлээс болж байгаа. Гэмт хэргээс иргэдээ хамгаалах, бусдын эд хөрөнгөд хохирол учруулсан бол түүнийг үе шаттайгаар барагдуулдаг системийг бид хэрэгжүүлэх ёстой" гэлээ.
