Ардчилсан намын дарга Лувсаннямын Гантөмөр Дундговь аймагт ажиллалаа.
Тэрээр намыг хагаралдуулж сөрөг хүчний үүргээ умартсан дарга нарын өмнөөс уучлал гуйж уулзалтаа эхлүүлсэн байна.
АН-ын дарга Л.Гантөмөр "Ардчилсан нам засаглаж байхдаа, иргэдээ эдийн засгийн эрх чөлөөнд хүргэх гэж, эрх чөлөөг хамгаалах гэж ажилладаг байсан. Ардчилсан нам засаглаж байхдаа иргэдээ цагдаа, шүүхээр айлгаж, үзэл бодлыг нь боомилж, хорьдоггүй байсан. Одоо засаглаж буй нам хүний эрх, эрх чөлөөг хязгаарлаж, хагас дарангуйллын тогтолцоонд шилжсэнд харамсаж байна.
Би өнөөдөр Ардчиллыг хамгаалж үлдсэн Дундговьчуудлаа баярлалаа гэж хэлмээр байна. Миний бие та бүгдийн өмнө даргын лист өвөртөлж ирсэнгүй. Харин жирийн багш, эмч нар улс төрд гардаг, Дэнчин нэхэж намыг мөнгө гэж харсан хүмүүсийн алдааг засахын төлөө ажиллах болно.
Хүний эрх, үзэл бодлыг дээдэлж сонсдог Ардчилсан нийгмийг бий болгохын төлөө эв эеийг эрхэмлэж алдагдсан ардчиллыг босгохын төлөө ажиллах болно" гэлээ.
