Загварын редактор Динах Ван Туллекен (Dinah Van Tulleken) моодноос хэзээ ч гарахгүй 10 гол эд зүйлийн жагсаалт гаргасныг Daily Mail сонин танилцуулж байна.

Шинжээч эхний ээлжид хамгийн сайн жийнстэй байхыг зөвлөв. Сонгомол хөх өнгийн, шууд эсгүүртэй  чанар сайтай  жийнс хэрэгтэй гэнэ.

Хоёрдугаарт нь, бараан өнгийн, өндөр хоолойтой ноолууран цамцтай байх хэрэгтэй. Гуравдугаарт, v-маягийн ухалттай жилет-хантааз хэрэгтэй бөгөөд түүнийг хүрэм дотроо мөн гадуур хувцас болгон өмсөж болно.

Дараа нь үл ялих принттэй хар даашинз. Туллекен хэлснээр, түүнийг оффисын ажилд эсвэл амралтын өдрүүдийн гоёл болгож болно. Даашинзыг кроссын гутал, бүдүүлэг  маягийн шаахай эсвэл өндөр өсгийтэй шаахайтай ч хослуулж болно.

Тавд нь  натураль тогтуун элсний саарал эсвэл хүрэн өнгөтэй ноосон пальто.

Зургаад нь дугуй захтай хөвөн даавуун футболка, долоод нь нэг өнгийн эсвэл шууд зураастай миди юбка нэрлэгдэж байна.

Чансааны наймд, байкерийн  савхин хүрэм ес дүгээрт нь ямар ч үедм тохирох сонгомол эсгүүрийн цагаан цамц хэрэгтэй.

Туллекены жагсаалтын сүүлд биед эвтэйхэн, тухтай спорт өмд бичигджээ.

Наймдугаар сард загварын шинжээчид эрэгтэйчүүдийн таван хэрэгтэй хувцсыг нэрлэсэн байлаа. Тэд нарийн сүлжмэлийн саарал, бүдэг цэнхэр, хаки өнгө бүхий ноосон цамцнуудыг нэрлэсэн байсан ба тэднийг футболка эсвэл оффисын цамцтай хослуулан зангиатайгаар өмсөж болно гэсэн юм.

М.Цогт