УИХ-ын гишүүн Д.Ганбат, УИХ-ын гишүүн асан С.Эрдэнэ нар өнөөдөр цаг үеийн асуудлаар мэдээлэл хийлээ.
Энэ үеэр С.Эрдэнэ "АН-ын даргын бүртгэлийн асуудлыг Улсын Дээд шүүх авч хэлэлцсэн. Хэрэв Дээд шүүх хуулийн дагуу явуулсан бол үр дүн ингэж гарахгүй байсан. Эрх баригчидтай хуйвалдаж Ардчилсан намаа худалдах замаар явж байгаа нөхдийг буруутгаж байна. Бид эвлэрэхгүй, нэг туг дор байж чадахгүй" гэлээ.
Харин Д.Ганбат "Улсын Дээд шүүх дээр АН-ын даргын асуудлыг шийдэж байна. Сунгаагаар намайг АН-ын даргаар сонгосон. Надад итгэл хүлээлгэсэн хүмүүст талархал илэрхийлж байна. Тэр итгэлийг чинь алдахгүй, хэн ч миний дууг хааж чадахгүй. АН-ыг хэн ч дагуул нам болгож чадахгүй. Үүний төлөө хуулийн хүрээнд ажилласаар байх болно" гэв.
