Олон нийтийн сүлжээнд хүний эрхийг хамгаалах тухай хуульд Ерөнхийлөгч У.Хүрэлсүх бүхэлд нь хориг тавихаар болжээ.
Энэ талаар даваа гаригт Ерөнхийлөгчийн Тамгын газраас мэдээлэл хийнэ хэмээн Ерөнхийлөгчийн хэвлэлийн төлөөлөгч Ө.Золбаяр мэдээллээ.
Тус хуулийн төслийг намрын чуулганы сүүлийн өдөр хэлэлцэн баталсан юм.
Дашрамд, Ерөнхийлөгч тус хуульд хориг тавьсан ч УИХ хүлээж авахгүй байх боломжтой. Парламентийн түүхэнд ийм тохиолдол цөөнгүй удаа гарч байсан билээ.
Эцсийн шийдвэрийг УИХ гаргана. Хаврын чуулган Гуравдугаар сард эхлэх товтой байна.
