Монгол Улс дахь Япон улсын ЭСЯ 2023 оны дөрөвдүгээр сарын 3-наас виз мэдүүлгийн цаг товлох журмыг цуцлахаа мэдэгджээ. Учир нь Монгол Улсын иргэдээс Япон улсад зорчихоор виз мэдүүлэх цаг ирэх гуравдугаар сарыг дуустал олгогдсон байна. Тиймээс дөрөвдүгээр сараас эхлэн виз мэдүүлгийн цаг товлох журмыг цуцлахаар болжээ.

Консулын хэлтэс дөрөвдүгээр сарын 3-наас эхлэн виз мэдүүлэх дугаарыг (хүлээн авах дугаар) тухайн өдөрт нь тараах бөгөөд дарааллын дагуу визний мэдүүлгийг тухайн өдөртөө хүлээн авах зохицуулалтыг туршилтын журмаар хэрэгжүүлэх аж. Энэ талаарх дэлгэрэнгүй мэдээллийг ЭСЯ ойрын хугацаанд цахим хуудсаар дамжуулан мэдээлнэ гэв.

Мөн хүмүүнлэгийн болон эмчилгээний зорилгоор Япон улс руу яаралтай зорчих шаардлагатай иргэд ЭСЯ-ны Консулын хэлтэст хандан тусгайлан хүсэлтээ гаргахаар болжээ.