Ардчилсан намаас цаг үеийн асуудлаар мэдээлэл хийлээ.

Энэ үеэр УИХ-ын гишүүн Д.Ганбат "Ардчилсан нам хүүхдийн мөнгийг санаачлаад хэрэгжүүлэхдээ алагчилдаггүй байлаа. Энэ бол байгалийн баялгийг хүүхдээр дамжуулж ард иргэддээ олгодог зөв хувилбар гэж үздэг. Түүнээс халамж биш шүү. Гэтэл МАН өнгөрсөн оноос халамж гэж бүртгээд, хууль баталсан юм билээ. Энэ Монгол Улсын Үндсэн хуульд нийцэхгүй. Хүүхдийг баян, ядуу гэж ялгаж болохгүй.

Хүүхдийн мөнгийг 91% нь аваад 9% нь авахгүй гэхээр дундаж давхарга байхгүй болсон гэдгийг харуулж байга. Ам бүлийн орлого 3.5 сая төгрөгөөс дээш орлоготой айлын хүүхдийн мөнгийг хасчихлаа. 3.5 сая нь 1,000 доллар хавьцаа мөнгө. Дунд зэргийн хөгжилтэй орны difficult, dirty, dangerous ажлыг хийж байгаа хамгийн бага цалин нь 1,000 доллар. Манай иргэдийн ихэнх нь ийм ажил хийж байна. Ажлаа хийгээд татвараа төлөөд явж байгаа өрхүүдийг дундаж давхаргаас хасаж байгаа нь буруу, үүнийг засах ёстой.

Энэ Засгийн газрын явуулж байгаа цахим бодлого нь сайн хэрэг. Гэвч үүнийгээ муу хийсэн нь иргэдэд чирэгдэл учруулж байна" гэлээ.